本來係d名人玩，不過短短呢個禮拜，
呢股風氣已經完全蔓延至身邊o既朋友，
公司同事、舊同事、舊同學、舊網友等，
有d人更變本加勵林完再林做找數王。
老實講，開頭玩果批人真係幾in幾型，
不過衣家先黎玩只係跟風同無個性，
呢種舉動已經變左質，亦發生唔少意外，
例如有人向自己d狗隻林冰水搞出狗命，
亦有家長向自己d小朋友林，咁會病架，
玩還玩唔好妄顧動物或他人健康安危。
甚至有種好似連鎖咀咒信咁樣，
比人tag左唔做正衰仔，陶傑講得好o岩，
好多人o既心態都係想睇人出醜姐，
不過今日我響plurk同facebook發表聲明，
本人唔會亦唔希望參與呢項活動，
如果有人tag我即刪好友。
我覺得咁樣仲型，做善事原意係好，
但要人威迫利誘先識捐錢咩？咁只係找數，
都唔發自內心，真心做善事又洗乜IBC？
世上仲有好多須要幫助o既人，
幫ALS之餘亦唔好忽略其他慈善團體。