大6劇向來無論選角、背景、音樂都極之老土，
又唔知點解十套有九套都係以二戰打日軍為題材，
我明係要人民勿忘家仇國恨，都唔洗套套都抗日假？
唯一比較見得人o既就係古裝片/武俠片，
果D咩野雍正皇朝、甄環傳質素甚至稱得上出色，
最近播套叫藏經閣o既武俠片，咁我呢個武俠廚又睇下啦，
估唔到古裝劇都要滲入打倭寇(日本仔)o既梗，
個故事都係走日系熱血少年動漫果D flow，
即係個主角乜都唔識無端端一步登天習得蓋世武功，
跟住又開埋後宮，呢D flow其實響金庸筆下作品都常見，
本來當係睇下D皇道劇情輕鬆下都無壞丫，
但套野勁多低能情節，越睇越覺得侮辱自己智慧果隻囉，
中間D橋段唔浪費筆墨(?)去講，例牌又講結局，
最後大佬居然因為唔信枝大砲有料到而企定定被射死，
咁死法...係就係估你唔到，係估唔到咁硬膠囉！
寫劇本條友個腦係咪裝屎架？咁都比你諗到？

每次首播完場(係呀，大6電視台同1集1日播幾次架)
都搵套戲D演員著住衣家D衫講解番套戲相關o既補元，
咁做其實一下子將觀眾拉番出現實，好破壞氣氛，
膠劇算啦無乜所謂，其他科幻片就唔好黎呢套啦！