研3研4向來係RO裡面非王級魔物強度最高o既地方，
趁o岩o岩升呢base同job都0%再次隻身闖入去試試，
之前都試過搵主教陪同入去行左1步(真係1步)就滅團，
上次都未睇清楚發生咩事，今次要去睇清楚啦，
今次一入研3即偽裝，點知即刻比個有名o既闇刺客秒殺，
唔緊要，我都知無咁簡單，再接再勵，呢次無刺客啦，
點知又比個闇騎領秒左，喂呢隻唔係小王喎普通卒黎，
翻查資料，頂，原來闇刺客同闇騎領都係惡魔種族，
唔怪得次次比佢見到啦，再次入去，今次係闇神工匠，
先放個火牆卡住再慢慢玩殘佢，終於搞掂一隻啦，
之後要再報仇，放定個火牆等闇騎領行埋黎，
咦？點解穿牆o既？原來火牆對佢無效，又比佢秒左，
睇番個傷害，7800x5，痴線架？我都161級得3萬血，
你一野打4萬？點玩呀大佬？普通怪黎炸喎，
仲要低我廿級，一下都食唔到？有無過火左D呀？
你要設定佢勁唔緊要，都無理由一下打4萬假？
你打兩萬比我頂到一下都得掛？洗唔洗去咁盡呀？
EXP又唔係多過人，火牆又卡唔住，即係唔洗打啦？