搵番以前拆露台個師傅黎整窗，都係7千5，
哇！比之前驗窗條友報2萬5足足平3倍有突！
不過呢個師傅有前科，做d野都搞到一獲泡，
詳情怒正處2010年o既blog有提及唔再多講啦。
可能1分錢1分貨，呢個師傅唔包報上屋宇署，
貪平就要博一舖，有機會重滔覆轍整完又整。

我媽諗諗下都係加多個簷逢落雨無咁易撇入黎，
再加3千，都係比之前驗窗友平一半有突，
反正搭左棚緊係順便整埋唔洗再煩啦，
d工人漏左口風第時先整要再比多千5搭棚啦，
咦乜原來只係千5炸？不過上天台睇佢地個棚，
哇只係搵d水喉管同鄰居o既冷氣枝架黎借力？
雖然都好似有鑽一兩個鐵架黎托住，
但諗落都幾唔穩陣，見d工人走出個棚做野，
又無扣好安全帶，難聽d講句叉錯腳咁就一世，
佢地用電鋸鋸甩舊窗框時好似d手提煙花咁，
花火四濺，而d工人完全無帶眼罩連眼鏡都無，
唔驚d花火射到眼咩？真係懷疑佢地係咪合資格。

講開佢地個電鋸，原來果塊刀片係即棄消耗品，
又係o既咁鋸法磨都磨到滑晒啦。