江山易改本性難移，以前係咁o既衣家都係咁，
睇番2010年blog相同topic佢又做番同樣o既野，
話朝早10點黎等到下晝5點都未黎，
話下晝兩點黎結果全日都無出現，
唔黎就單聲啦唔好要人standby等足大半日丫。
整D野實有D事，然後又要加錢補獲，
呢次拆冷氣又話疑似剪鬼左條電線，
然後話裝冷氣果陣未必有電源要拉條線過黎，
駁線費用當然另計，但如果佢唔係剪左條電線，
又邊洗拉過條線呢？唔好同我講無電源，
咁之前部冷氣又點著？整爛人地D野，
幫人整番好唔係理所當然咩？點解要另收費？
我打爛你個杯買番個新杯比你仲問你拎番錢？
唔怪得平過其他裝修商啦，呢個價唔係實價，
過程中令你整多幾樣野再額外收錢。

今次佢黎唔到o既原因係第個客突發爆水管，
佢幫忙搶修，方唔係又係佢D人整爆人地條喉，
然後又額外收錢整番好咩？好地地點會爆丫？

(後加：之後佢試過又話有電源無再另外拉線)