亞媽話今朝發左個甩牙夢，係甩右邊門牙，
D解夢經常話甩牙係代表父母有事，
如果根據男左女右定論，右邊應該代表佢媽，
不過我媽D父母(公公、婆婆)早就過晒身，
我媽就話可能佢亞姨(都年過80)有事啦。

anyway得知此事之後都極之不安，
上網查一下，原來都好多相關資料，
有人話發甩牙夢代表佢壓力大，
有高登巴打話發過好多次都無咩事發生，
又有科學解釋點解呢個夢有代表親人有事，
通常親人有病(住院)自己緊張佢產生壓力，
有壓力就會發甩牙夢，然後親人出事，
就好似應驗左個夢咁，咦，又合理喎。

特此寫低睇下呢一兩禮拜內有無親人有事，
希望就乜事都無啦，唔希望任何人有事，
如果過左好長時間親人先有事當然唔算啦，
記得周星馳o既審死官定白面包青天有一段：
「我今日衾左你一巴80年之後你死左，
可唔可以告我謀殺？」如果今日發呢個夢，
80年之後應驗左可唔可以話個夢好靈？XD