幾乎日日都打一次吉芬大賽，打唔贏13關個BOSS，
5分鐘內要打2000萬血，平均每秒唔少過6.6萬輸出喎，
洗唔洗咁難呀？連我神裝妖打左咁多次都過唔到，
D平民裝妖仲洗玩？不過又係o既過唔到又唔係乜都無，
可以每日剩係過12關10日都可以換到盾裝備丫。

我硬係唔信邪係要過到佢，終於比我過到啦！！
雖然唔係非過不可，但過到果份滿足感令我爽大半日XD
我話晒都神裝一次都過唔到真係好對唔住套裝架。

要過呢關真係唔可以犯大錯，做漏一樣野都打定輸數，
但打左咁多次好少無出錯，要準備o既野同次序實在太多，
開場前換盾食護貝果凍HP水、開場後食天賜雞尾酒等，
完左次地領仲要搵位舖過第二次地領都好考技術，
有次順利舖好第二個地領點知手滑o禁錯地領衾左個地領，
仲要靠小小運氣，就算無出錯動貓發動唔夠密都可能唔夠力，
仲有OP聖誕帽服裝(MATK+10%)幫忙，先搞得掂，
之後趁聖誕帽未到期再打多次都係過唔番...

不過識得個高手妖用比平民裝好小小o既裝，
靠暴走魔法都穩定咁過吉芬大賽。