食飯時無意中睇到箭檯張報紙o既文章，
記載左1單鐵齒銅牙紀曉嵐o既事蹟，
須知和申向來同紀曉嵐爭鋒相對，
話說有日紀曉嵐同御史到和申府中作客，
門外有隻狗經過，和申想借機取笑紀曉嵐，
就講左句「咦，你們瞧那是狼是狗？」
(是狼同紀曉嵐官職侍郎同音，
呢句野係想嘲笑「侍郎是狗」)
紀曉嵐答「是狗」，和申同御史都響度笑，
紀曉嵐又講「要分辨是狼是狗看尾巴，
尾巴下垂的是狼，上豎是狗。」
(上豎同和申官職尚書同音，
呢句野還擊番「尚書是狗」)
紀曉嵐再講「還有另1種分辨方法，
狼是只吃肉，狗是遇肉吃肉，遇屎吃屎」
(遇屎同御史同音，即係「御史吃屎」)

好1篇妙問妙答，不過我就唔信真有其事啦，
有無咁好轉數？又有無咁巧合呀？
1隻狗可以串晒待郎、尚書、御史3個官職，
多數係後人借古人來作故仔啦。