細個砌模型，大個砌傢具，好多傢私買番黎都要砌，
睇住張說明書，1號插入2號，然後再插入3號上螺絲，
不過完全無細個砌模型過程果種樂趣，只想快d砌完。
諗諗下新居買過好多野要砌，有木櫃啦、膠櫃桶啦、
電風扇啦、衣架式乾衣機啦、今日又多樣，浪衫架。
拆開浪衫架個紙箱，差唔多每件組件都有透明膠袋包裝，
令我好奇係居然係好似包裝薯片果d密封式啤實晒，
心諗，洗唔洗咁精美呀？砌果陣咪又係要暴力拆爆個袋，
通常都係咁耳套住就算，最多貼塊膠紙封口，
好少會有呢個浪衫架咁好心機啤實d開口位。
砌完後發覺調較浪晒杆高低位同DSC果個爭緊d，
DSC果個好似好順暢，都唔知係咪落左潤滑劑。
整體黎講都OK，299蚊。
|
