見facebook經常有人分享d實用產品，
例如有個浪衫架摺埋只係1本黃頁咁上下大，
攤開高過個人類似摩天輪咁o既圓形架，
好正，唔浪衫果陣收番埋勁慳位。
又見過1把剝蛋殼器，不論生蛋熟蛋1樣剝到，
仲可以set到隔開d蛋黃淨要蛋白，乾淨利落。
又見過1把摺埋好似白菜咁o既雨遮，
1向都覺得平時d遮造形好悶，係呢把最搞鬼。
又見過1個刨，可自由set刀片位置或更換，
可以將d食物切出唔同形狀o既絲或片，
連波浪紋果d薯片都切到。
又見過1個金屬裝置(?)都唔知點形容呢舊野，
可以隔開d水撈起d野同埋摺埋超薄易於收藏。

最大問題係，全部都得個睇字，香港無得賣，
明明好實用結構又唔複雜(無電子零件或晶片)
睇落應該都唔洗好貴頂多都係幾百蚊。
但睇到買唔到真係好克人憎囉！