上年因為比Free!感染(或多或少啦)而遊番水，
今次比食桌之靈感染(都係或多或少啦)而親自下廚，
當然遊水同煮野本來就想做，只係再多股推動力。
今次呢味係個人原創(?)o既乾炒葡汁西蘭花豬河，
純綷想煮乜就煮乜，覺得咁樣炒埋味道唔錯就試。

材料有：紅蘿白、蛋1隻、西蘭花、豬扒、河粉

由於用o既係河粉乾(好硬好脆)所以先用滾水拾熟，
然後撈起放落個西度隔走d水，不過我用快子夾起，
都唔覺隔到幾多水份。

紅蘿白同西蘭花切碎，又係先用滾水拾熟，
咁陣間炒果時就唔怕唔夠熟(好保險o既做法 XD

響空檔期間搞雲d蛋汁。

然後處理豬扒，用生粉溝麵粉查雲再落頭抽醃(?)
no雲左非常痴蠟蠟，落鍋炸野睇片教唔好即刻反，
先炸左1邊變色先再反，but可能豬扒切得太細粒，
好似反唔反都無分別咁，即係反轉張紙容易，
反轉粒波子就難。

炸到咁上下就倒埋頭先拾熟左果d西蘭花同蘿白碎，
1齊炒，炒左陣就先上碟，跟住再炒河粉，
炒緊途中倒兩pat李錦記葡汁醬落去再炒，
炒到d河粉由白色變黃色再倒埋頭先d配料1齊炒，
用1個鑊產炒唔雲巡架，要2刀流咁左右手兩個產炒，
本來想試玩拋鑊，可能因為無長條手柄完全拋唔起(?)
炒到咁上下將d蛋汁倒落去再繼續炒，
其實倒左d蛋汁都好似即刻蒸發晒咁唔知去左邊 XD
不過炒完出黎都係有蛋香and見到d野有黏住d蛋碎。

檢討：下次試下整豬扒唔落頭抽，落左炸會搞到黑晒，
都分唔出邊d濃左邊d未熟。另外蛋落1隻似乎太少，
葡汁亦太少，好似落左都唔見有咁，下次要落多d。
西蘭花d葉唔好切太細，根本碎到out of control XD
仲有唔記得落雞精，不過其實我覺得今次味道都好夠，
只係視覺上唔夠豐富咁 XD