iphone插耳機個隆唔知比d咩野塞響入面，
搞到插唔到耳機線，雖然有Jabra藍芽耳機，
嫌佢大舊放落袋唔方便，所以買左呢個藍芽接收器，
真係幾輕巧，根本就係以前MD果d control咁款，
都只係248蚊炸，買果陣個sell屎話只剩番白色，
當時貨品響鎖住o既廚窗入面睇唔到後面果盒咩色，
然後佢拎第1盒出黎睇到後面果盒就另1隻色，
個sell真係當堂被打臉，我話再睇埋後面果盒，
點知又有第3隻色，真係比人衾左邊臉要衾埋右邊 XD
我就揀左第3隻色即係黑色，come污糟丫嘛。
用後感：1路行1路聽除左o岩o岩開果1下之外，
之後全程完全無疾過！之前用Jabra以為疾係正常，
問過mobile d同事佢話我ios未update新ver，
所以有影響，又諗過可能比汽車d無線電干擾，
衣家先知根本係Jabra有問題，又話做開免提品牌喎。
為左試新野專程拎埋iphone4跟機個耳機(未用過)
呢個耳機唔知係咪太大，塞唔實經常就快甩出來。
之後用番SBH20跟機果條耳機線，幾重視bass喎，
不過略嫌細耳機d bass都係唔夠震撼。
巡例都要講下缺點，呢舊野後面個夾太硬，
要夾衣服都要d功夫，如果係好似衣夾咁就perfect，
另外同iphone連動左之後都睇唔到電量，
反而Jabra連左iphone可以睇到電量，呢個睇唔到都算，
個顏色指示燈太空範啦，10%以下閃紅色，
10至90%閃黃色，90%以上閃綠色，咩叫10至90%？
不如1%紅色2至99%黃色100%綠色丫笨~
仲有d play掣唔多好o禁，其餘暫時都無乜野彈。
仲未試過用呢個傾電話，呢方面Jabra係唔合格，
好似人地聽唔到自己講野咁o既感覺(但人地好似聽到)
唔知SBH20表現如何？下次傾過再寫報告。
|
