經常響facebook見人froward d神奇產品，
居然部份野比我響apm間logon搵到！包括：

推唔跌o既暖水壼
影片中示範1般水杯放響公司檯面，
比同事行過high跌d咖啡倒瀉整濕晒d文件，
呢個神奇暖水壼就痴實響檯點推都推唔跌，
無膠水無任何吸啜盤，最神奇o既地方，
就係只要輕輕向上拎起完全唔洗用力，
即係左右推唔跌只能向上拎起，
我就唔知咩原理，果間logon有實物可以試，
的確係有時會推唔跌，無錯，只係有時！
有時又推得跌，咁都唔係100%防推跌啦，
不過幾似魔術道具咁，推唔跌果下係幾奇。

功夫(?)手機殼
日本仔發明，連新monday都froward過呢段片，
就係呢個手機殼可以好似耍雙折棍或蝴蝶刀咁，
向前反幾野又向後幾野好型咁將部電話fing出黎，
聽個電話都可以咁chok，1定好多路人望住 XD
不過就驚fing fing下部電話甩出來...

畫空氣筆
就係可以響空氣畫野，墨水係即硬膠(?)
1畫出黎即變固體，所以可以畫件立體野出黎，
呢d咁科幻o既概念產品估唔到logon有得賣喎，
不過就無得試，連display作品都寫請勿觸摸。
老實講呢枝野係就係幾過癮，但我覺得無用，
咁辛苦去畫舊立體野出黎不如用其他物料整，
可能仲無畫出黎咁難整添，又穩陣。

以下呢d就唔係睇片睇過，只係幾得意，
都係屬於唔多實用(非必須品)o既玩味野：

生果切割器
可以將舊蘋果咁上下大細o既生果切做8份，
中間仲留條柱去埋核，諗落好似幾方便，
但諗深層，其實切蘋果最煩係去皮姐，
切果8份容乜易姐，洗q用特製工具咩？

動物造型飯模
可以將舊飯壓做熊貓頭之類o既形狀，
仲跟埋個裁剪模，可將d紙菜剪眼耳口鼻，
咁就可以整到好精美o既便當，真係幾過癮，
tum細路1流，but無細路就整黎都多餘，
考慮好唔好食好過啦，食左落肚咪1樣。

零消耗釘書機
就係完全唔洗用釘(消耗品)都釘到書，
原理應該係將1勿紙壓做1個摺位扣住另1張紙，
不過產品包住左唔知實際work唔work啦。

不愧為logon，果然賣1d正常舖頭無賣o既野，
可惜仲係搵唔到之前睇片見過o既開蛋殼器。