呢期係咁記d生字，發覺又唔係想像中咁難記，
由於我學日文純粹興趣自用，唔係為左考日能試，
所以偏揀擇性去記d認為有須要或有興趣o既字眼，
有時課文會有堆幾年內都未必講到1次o既字，
例如：泰國o既地方名青邁、學插花呢d動詞、
平安經時代o既歷史人物、或者抽象派畫家名等...
後面兩個唔好話日文啦，中文都未必up得出啦，
喂等等，我學緊日文呀唔係學歷史或藝術史呀！
所以呢d唔多等洗o既生字我會skip左佢唔記 XD
有d字我無刻意去記不過讀多幾次就自然記左，
例如登山果個登，見到個字居然讀到noborimasu，
o岩啦，就係靠呢種能力學，有時死記都記唔到。
仲有好多漢字o既音讀，知道佢地o既發音公式後，
就算未學過都可以估到點讀，所以亦唔難記，
其實類似中文咩小小音咁。
衣家進度係大家的日本語進階I同II全部課文明95%，
剩番果5%大約係d唔識或者記唔到o既字眼，
係時侯要上中級啦~
好想好似當年學倉頡咁，學下學下就自然識，
都唔洗諗個字點打隻手就自動打，功力內化左。
|
