用win8預設o既日文輸入法打涼宮(suzumiya)聯想字庫會出現haruhi！
講緊唔係響google搜尋果欄野度打喎，只係開個text檔打都出，
咦？乜涼宮春日唔係輕小說o既虛構角色咩？唔通呢個名係出自歷史名人？
又再打下其他角色，例如長門有(nagatoyu)居然會出埋個希字，咁有趣？
我以為係d不朽名著呀(西遊記、金庸作品)先會響聯想字庫跑到出黎姐，
打多啦(dora)會出emon都正常，涼宮頂多10年左右，咁都上得神檯級？
咁即係話打進擊之(singekino)應該會出埋巨人啦？但係又無喎，
可能呢d國民級作品o既後起之秀都未update啦，到win10果陣可能有。

又試試其他野，例如打歌手中島(nakasima)真係會出埋美嘉，
打田中(tanaka)會出埋麗奈，咁又試下打聲優釘宮(kugimiya)，
無出理惠喎，有d失望，可能聲優未夠資格入到聯想字庫，
再試下打花澤(hanazawa)居然又有香菜喎！咁奇怪o既？
花澤居然位列仙班？而前輩級o既釘宮居然無？