咁o岩上次我番舊居我媽響新居，兩餐又要食自己，
就買KFC兩舊雞送飯啦，番到去洗米，咦？
(以下內容可能會令人好不安，米話唔提醒你呀下)
點解咁多黑黑1點點o既？唔通d水唔乾淨？
過左1次水再洗啦，哇，又出多1堆黑點，睇真d...
果d唔係塵黎架！係蟲黎架！好似仲有兩隻角咁o既，
唔通係d咩野谷牛？定註米蟲？唔知啦，數量好多，
d蟲呢響d米粒入面，1開始筆落去個飯煲都唔係咁覺，
但每過1次水都出1堆，差唔多過十幾次水先清得7788，
好在平時有洗開米，唔係可能以為呢d係正常o既塵(?)
平時響新居洗米都係過兩次水，第3次裝水就直接煮，
不論過第1次定第2次正常根本係1粒黑點都見唔到，
呢次過十幾次水目測估計超過70隻蟲，d蟲用手夾唔到出黎，
1隊隻水埋去d蟲會閃開(應該係水力o既關係唔關d蟲事)
要搵個筆米果個杯仔，連蟲帶水咁筆出去，
經過十幾次過水後總算見唔到蟲啦，雖然覺得清唔晒，
裡面可能仲剩兩3隻，算啦，應該接受到o既......

1打開個米缸，哇！1堆蟲響表面行黎行去何其壯觀！
表面都咁囉，相信全個米缸入面有過千條蟲。
無番舊居1段日子乜搞到咁呀？d米有蟲居然懵然不知？
好在今次我洗米先發現到姐，如果好似平時咁，
番到舊居食亞媽煮o既飯，後果真係不堪設想，
除非倒晒d米洗過個米缸再裝番d新米，
唔係o既話呢排都唔敢番舊居食飯啦。
查實個米缸淪陷左幾耐？會唔會早幾個月前已經咁？！
諗諗下真係可能之前食左幾多蟲落肚都唔知喎...