又係掉緊d十年都唔用1次o既野，都係果句，
十年都唔用唔通下個月會用咩？

今次掉左1堆中學英文課本跟o既錄音帶，
無記錯o既話放置左咁耐1次都未play過，
有盒仲未拆封添，到掉果陣都仲係全新(?)
睇番包裝貼o既價錢都2百幾蚊，唔平架，
所以話就算有9年免費教育，買課本都唔少錢，
以前都有諗過假如有日想學番英文會拎出黎聽，
先留左咁耐無掉，衣家諗深層如果係要學呀，
不如去書局買過d新o既用CD聽o既算啦，
唔通聽完要回帶聽下1段又要飛帶咁聽咩？
其實都想掉之前巡例開黎聽1次架，
可惜部sony錄音機都打左柴，算啦順便掉埋，
呢部野都伴隨左我1段童年時光，
細個經常玩，得閒無事錄下d電視節目聲啦，
又自己錄d中2病扮晒司儀o既台詞啦。
仲有掉左同royce睇演唱會前買o既望遠鏡，
點解掉？1拎上手痴立立，唔掉唔得啦。
其實仲有部舊sony手機都好痴立立想掉，
但呢d手機入面有資料，掉之前1定要拆爛佢，
雖然都無乜唔見得光o既野響入面，
但有朋友d電話號碼同資料流出去都唔好啦？