洗唔洗咁hit呀？試過只係由新居行去地鐵站o既路途中，
可以數到超過10條友拎住呢個款o既手提電風扇。
其實手提電風扇呢種產品問世左好多年啦，
我細細個果陣已經有，老實講，我覺得帶出街係無用，
試問室外咁大個太陽曬住，咁細把風扇仔做得d乜？
吹得塊面吹唔到個身，仲要吸埋d熱氣吹番d熱風出黎，
唔好話d細野，就算比你帶到家用把大形風扇都無用啦，
其實1路行都會有d自然風，你估把細野夠d自然風涼？
如果係手提冷氣機就或者有d用o既，都咁多年啦，
目前o既科技水平應該做到掛？吹出d冷風已經好好多。
講番芭蕉扇，改到個名咁巴閉有乜特別？
咪又係普通手提電風扇1把，特點應該係USB叉電掛？
er~我唔信呢種技術今年先有囉，至於涼唔涼？
行過見promo放隻手埋去感受下，咪又係咁，
咁細把野可以有幾涼呀？不過真係周圍都有賣喎，
觀唐廣場啦、舊居樓下d電腦舖租碟舖啦、街邊檔啦、
個樣就差唔多啦，只係中間個logo就好多唔同款，
據說原祖o既係共田牌芭蕉扇，紅色好似塊樹葉logo，
牌子名令我諗起米田共，好易記錯米田定田共牌 XD
1個上位就個個都起勢咁抄，唉，大6d商人就係咁，
符合國情丫。
|
