大6都算積極開發動畫，呢個妖怪名單又係騰訊旗下作品，
又係以妖魔鬼怪做背景，點解講又係？之前有套王牌御史，
都係講捉邪捉鬼，不過果套根本就係賣低能同痴_線，
呢套妖怪名單相對黎講認真番d，睇得出有心走青少年路線，
有美少女有賣萌，可惜水準依然參差，動作生硬唔流暢，
人樣經常崩壞，有d情節亦睇到我不其然起晒雞皮，
睇半集都想cut唔想睇落去，不過都睇埋落去啦，
只係純綷想了解大6做到咩水平，其實個題材尚算OK丫。

故事講有樹精(?)化做美女勾引男人然後吸佢地d精氣，
毒L男主突然溝到條靚女(女主?)，但又比呢個樹精勾引，
女主(暫時先啦)走出黎救駕，同呢個樹精戰鬥，
原來女主都係妖怪仲要好抽得，其實個男主係特異體質，
吸到佢精就可能功力大增，跟住...跟住無睇落去啦 XD

人設係走日系風格，女主仲有d狼與香辛料赫蘿o既影子，
查實某幾格frame定格黎睇作畫質素都有可能o厄得下人架，
anyway，keep it on啦~做多d動畫應該會越做越好，
總好過拍咁多礦日奇俠之類o既野丫。