上完日文堂，又再次走果條熟悉o既路，
亦即係幾年黎響觀塘番工放工o既必經之路，
諗番起響辣椒o既工作生活，
覺得呢份工原來都幾可愛，
不自覺地愛上左觀塘呢個地方，
話愛上又誇左d，叫做情義結比較貼切，
老實講，當初o岩o岩到觀塘見工番工時，
(其實第1份觀塘o既工係麥苗唔係辣椒)
覺得呢個地方都算幾煩，答地鐵要轉月台，
唔能夠1程車直落，搵到位坐都未坐熱就要起身，
巴士又只得1架經觀塘仲要班次勁少，
不過幾年o既番工已經對以上o既野麻木晒lu~
反而覺得觀塘係個幾方便o既地方，
不論食野又好，買野又好，打書釘(3聯)又好，
衣家住新居要買野都係過觀塘。
|
