上星期先話完對觀塘o既路有1份情義結，
今日就已經番左份響觀塘o既工，
睇黎呢條熟悉o既路又再陪伴我多段時間啦。
以前辣椒時期無定向番工放工時間，
就覺得觀塘唔錯，呢份新工正常番放工時段，
就要收番上星期對觀塘o既讚美啦，
觀塘響繁忙時間人迫人，答車唔好話坐，
連搵個可以埃下o既企位都有問題，
沿途d人塞住明明1分鐘路程都可以變5分鐘，
仲要好多傳單嬸嬸係咁隊d垃圾紙比你，
放lunch時間更加係嚴重，呢d以前都領教過，
睇黎想好似辣椒果陣咁舒暢番放工都幾難。
呢間公司都幾多限制，除左無彈性上班時間，
平時連聽歌/收音機都唔比，唔係開住喇只播，
帶住耳機聽唔騷擾到人都唔比，
好在係同事好禮貌咁提醒我呢度唔聽得野架。
呢份工1黎就有好多野要學，本來係好事，
但真係太多1時間消化唔晒，同事教完1次，
之後再問都唔太好意思。
|
