新工作關係，上司要求盡量用illustrator做稿，
要被迫放棄相處多年o既舊情人(?)indesign，
學習點同呢位刁蠻大小姐(?)illustrator相處。

點解以刁蠻形容？illustrator感覺就係不受控制，
或者好唔user friendly，明明click入去可以拆到件野，
但唔知點解o禁極都無反應，又或者揀1件物品，
佢同我框埋另1件唔拉更o既野，係無group埋架，
亦無響遮色片入面，做左咁多年design點會唔識分丫？
雖然肉眼見到揀兩件野，但變更到o既都係1件，
原因不明，唔知係咪bug，仲有d文字做陰影，
佢硬係要將d字同個影分兩件野，改字要另外改埋陰影，
整包邊字又係，d粗線會食埋個字，搞到要複製兩組字，
1組字係包線放響底，1組字係無包線放響面，
做乜要咁麻煩呢？整條題要包線同陰影即係要3組野，
如果要改字就要改3次，indesign可以1次搞掂晒。

內文處理方面，英文字會斷開，要highlight果個英文，
set唔斷開，之前土瓜灣公司個上司話要族個族個改，
唔可以1次過改，改完呢個，另1個本來無斷o既又會斷，
有時d標點符號又會落到下1行開頭，想點呀？
1個可以排文o既軟件點解會犯呢d咁基本o既錯誤？
邊有標點符號響句野開頭架？設計程式果條友諗乜？
好啦set好段文無斷字標點無放頭全篇野字距又奇奇怪怪，
點解d人會用illustrator黎排書架？根本完全唔適合囉！
另外文字框內又無框架符合內容大小之類o既操作，
雖然實際影響不大，but個人習慣係個個字框都整整齊齊，
唔洗上面個框疊左落下面變左要揀下面個框揀左上面。
你可能會話唔開文字框直接打字/paste字咪得囉，
咁水蛇春咁長o既內文呢？用呢個又唔識自動轉行。

物件轉角度又係煩，例如將件野轉15度，之後做左輪其他野，
想將件野還原番set番做0度係唔得囉，轉過角度o既野，
會以轉左角度o既狀態為0度，要還原番之前個款要-15度，
但有時係隨意咁轉呢？唔1定15度架嘛，可能係13.816度，
轉左無記低個度數，點減番呀？你可以話用目測o既，
不過未必準確囉，如果舊野係方形轉0.1度直線都會起鋸齒。

點選物件方面，如果同1範圍有幾層野，想揀中間層野，
就會比上面層野檔住晒，1係就暫時移走上面層野，
1係就lock左上面個layer，但係如果呢幾層野都係同1圖層呢？
咁就只有移走上面層野，如果有幾廿層野同1圖層呢？
好煩囉，可能你會話咁只怪你個人砌稿無好好分layer抵死，
喂有時要處理o既唔1定係自己o既稿，有時要執客人o既稿呢？
indesign可以o禁實ctrl掣1直click落去就可以click下面d野。

做設計過程中習慣會睇睇目前進度出黎o既效果係點，
你知啦有時個底出晒界，或者工作範圍外放左好多備用雜物，
就咁睇好肉酸架嘛，唔多睇得出個感覺係點，
響indesign可以o禁W剩係睇工作區域內o既野，
illustrator完全唔得，除左output出黎先睇到目前咩效果，
或者要拉個工作區域咁大o既框再用ctrl+7變做遮色片囉，
睇完要undo番，唔係話唔得o既，煩d囉。

響indesign做表可以將set好tab位o既文字o禁個掣就變表，
而且響呢個表入面可以方便調整每個欄位相同比例o既size，
又或者梅花間竹o既顏色，或者全個欄位字體o既屬性等等，
illustrator暫時唔覺有做表o既功能，要自己1格格咁畫出黎？
或者有我唔知啦，所以呢個暫時唔評論住。

目前都未同illustrator夾得黎，多數都係以indesign做左先，
再paste入illustrator，雖然有好多位可能出問題，頂住先啦。
當然illustrator唔方便o既地方點止咁少，只係暫時講住咁多先。