唔知獅球乜果隻獅子同家樂氏果隻老虎打交邊個贏丫拿？
以上出自某PU節目主持，不過呢個gap可能就快唔用得，
最近d家樂氏產品都比馬騮取代晒，講開家樂氏可可米，
對上1次食果次如無記錯o既話好似都未開始寫呢個blog，
以前都覺得幾好食，只係好快食完1盒覺得有d唔化算。
最近買番盒黎重溫1下，咁多年後盒面o既建議食法都係錯！
佢建議大家先將可可米倒滿半個碗然後再響上面林上鮮奶，
可能倒奶果下會有種好爽o既質感，因為奶o既衝力，
令可可米之間產生清脆o既碰撞，但係我可以肯定咁話你知，
咁o既食法除左頭兩啖好鬆脆可口之外，其餘果d肯定林晒。
個人認為真正o既食法係先倒奶落個碗度之後倒幾粒食兩啖，
再重覆倒幾粒食兩啖咁，可以盡量保持每啖都鬆脆可口，
咬落去clark clark聲，而且食幾多倒幾多都比較come食。
另外再買埋同廠o既格格脆，其實味道同可可米無乜分別，
但係每粒野太大粒，變相1啖只係食到兩3粒格格脆左右，
導致覆蓋範圍唔夠廣(?)，食落無可可米咁爽。
都係1樣啦，唔好按照官方食法，倒左奶先好倒米，
唔係就好快林晒，仲話格格脆喎，格格林就真。
|
