市面上又少左1間大型連鎖店啦，其實以前都好少光顧DSC，
之前係響旺角雅欄中心上層時接觸到，叫咩野直銷中心，
好似中間無經手人咁直銷，比我1種比豐澤百老匯平o既感覺。
後來新居樓下都有間先對DSC印象深刻，新居唔少家品都響果間買，
包括床啦、電腦檯、LG42寸電視、膠櫃、多士爐、浪衫架等等。
當屋企o既家具都接近齊備後，樓下間DSC最大用處就係，
夏天放左工番屋企前可以入去嘆陣冷氣整涼小小個身，
直接行番屋企就完全「鐵木真打仔」(大汗特細汗)
中間有個位緩和下感覺舒服d，衣家無左呢個咁好o既緩衝區，
樓下商場d冷氣唔多夠力，入百佳、759或者大家樂又唔多好hea，
呢個就係DSC結業對我o既最大影響。
|
