1向都覺得只有西瓜帽最襯我o既面型，
帶左都自我感覺良好，自信心都多左。

市面上有賣帽o既服裝店舖係多，
但係好少有賣西瓜帽呢種款，就算有，
都可能係粉紅毛毛心心呢屎邊果d女裝款。
1見到有賣中性o既西瓜帽就想買，
因為可遇不可求，最近響NOP見到有賣，
1頂啡色款前面有條裝飾帶無咁單調，
仲要特價左唔洗100蚊(原價3舊幾水)
可惜只剩番陳列品，無買到，猶疑左幾日後，
放工都係去買(好彩仲響度)番去洗水，
反正咁平就算洗水變左型都無咁肉赤，
好在洗完水後都無乜違和感。
同場仲比我見到另1頂卡其色款西瓜帽，
不過無做特價，要3舊幾水，但有新貨，
殺你！咁就多左兩頂西瓜帽。

啡色果件用黎襯啡色衫專用勁match，
卡其色果件試過用黎襯灰色衫效果唔多好，
尤其是答V領果件灰色T，非常唔掂，
襯黃色衫反而意外地夾到喎，順帶1提，
頂卡其色帽帶起上黎出奇地舒適！