行行下觀塘無意中發現工廠區有間算係特別o既餐廳，
叫食民營，標鎊1間食盡世界各地美食，
其實係1間好似food court或大食代之類o既野，
1間野入面有好多唔同o既廚房，有唔同o既野食，
只係通常呢類舖都係開響大型商場入面，
響工廠區仲要開得咁隱閉都算係其中1樣特別之處(?)
出奇地佔地都幾大，目測起碼有觀塘區1般茶記o既幾倍，
都幾想試下呢間野，果然不出我所料丫，
平時禮拜1至5o既lunch時段走入去係水楔不通o既，
趁今日禮拜6(都要番工)lunch走入去睇下，正，
無乜人大把位好舒服，就試點左道日本拉麵黎食，
係咖喱吉豬拉麵，因為食過自家烏冬同麵藏o既關係，
呢間野o既拉麵無論湯底、麵質都只屬次貨，
不過店面o既舒適度就加番唔少分數，響壓力o既工作中，
可以抽空坐響呢間咁闊落o既餐廳享用午膳確係小確幸(笑
只係星期6限定呀下，順帶1提平時間野收夜晚7點，
仲想話搵日帶呂少晚餐食下呢間都唔得添。
|
