好謎o既標題呀哩？其實係講緊近期見到d怪大嬸，
先講講我衣家間公司o既清潔大嬸，
講野好有禮貌得黎充滿怨氣，我知兩樣野好矛盾，
但佢就係咁，每日都用好沉重o既聲氣講「早晨」
同你打招呼感覺好似咀咒緊你咁，非常奇怪，
好似好唔願意好委屈地好似被迫咁同人打招呼，
每句聽落都好似有個「唉~」字響前面(雖然係無)
相信佢係無心o既，或者只係天生把聲係咁，
定亦或以前被人欺凌得多搞到無晒笑容？
另1個係派傳單好大聲講「多謝多謝」o既多謝嬸，
但係佢講o既「多謝」講到好似鬧人咁，
亦係好唔願意地講，其實唔出聲咪仲好，
咁o既態度講多謝反而更趕客，比佢多謝完，
感覺就好似比人鬧完咁。
|
