KFC差唔多每月都有唔同o既期間限定食物但都無乜人講，
呢次個軍艦響社交平台就有兩個friend(佢地亙相都唔識)都講，
而且評價都唔算差，1般黎講呢d連鎖快餐食物唔會有人絕讚，
唔劣評都算偷笑，亦有網民搵出韓版KFC軍艦同港版比較，
韓版賣相完勝之類，似乎個艦比平時d期間限定意外地引人注目，
咁o既程度唔試下唔得啦(其實KFC大部份期間限定野都有試...)

1食之下堅掂！可謂KFC期間限定野食中8年難得1見o既佳作！
8年？差唔多啦？對上1個神作好似要數到壽司卷之類，
無8年都有7年啦，其實幾年前都仲有個日式咖喱雞扒飯o既，
不過略嫌無乜創意只係將舊M2雞加咖喱汁。
講番個艦，其實係兩塊M1果d雞(去骨版)
好似漢堡包咁夾住塊煙肉仲有d沙律醬，1啖咬落去係爽！
你諗下咁軟林林o既M1雞兩層咁厚比你d牙切落去o既感覺，
又唔會咬到咁上下比舊骨頂住，可以盡情咁咬，
靜係呢下都值回票價啦，仲有中間塊煙肉+沙律襯托之下，
味道夾得唔錯，令本來已經好食o既雞再上1層樓，
跟餐仲有墨西哥脆脆，全個餐整體都好高分！