12月o既日能試要衣家報名，報考o既門檻比想像中高，
講緊純粹報炸，唔係考，如果去日本語教育研究會報名，
又唔收現金只收支票，都無支票戶口邊度搵張支票比佢？
網上報名去OK便利店或偉哥比錢又要print佢張野出黎，
如果屋企又無printer咁可以點？只好用PPS繳費靈，
早幾日申請左個PPS帳戶，用電話繳費，入佢個機構編號，
再入考生編號同埋要繳o既款項$450，跟住要等工作天，
戶口過數，總算解決左報名費問題。

填表格果度又1個難關，地址果欄唔係1大行空位任寫，
而係1格寫街號、1格寫屋園、1格寫大廈、1格寫座數等，
問題係，我住果等大廈住左咁耐都無聽過係屬於咩屋園，
都唔知填乜只好漏空佢，都唔知到時張準考證寄唔寄到黎。

填報考時亦有問卷調查，例如問你o既日文邊度派上用場，
日劇啦、動漫啦、公司啦之類，又問響邊間日文學校學，
又問之前有無考過同埋pass唔pass等。

唔知有無把握考得到，純粹感受下久違o既試場氣氛都唔錯，
況且距離考試仲有兩個幾月衣家起勢咁溫未必唔得o既 XD