1到選舉期間平時無乜存在感o既議員1個2個走晒出黎，
擺街站拉票喪刷存在感，當中點少得宣傳單張海報，
我地公司呢排都接到議員o既生意。
大家有無留意到，單張下面會有段caption咁o既size，
寫住邊間印廠印，印左幾多張？
有次查稿發現咁o既程況，心諗呢d野都寫埋落去？
喂印幾多份唔洗比人知下話？邊間印廠更加無必要講啦？
懷疑緊係咪佢寫黎方便自己計數但又唔記得del番行字？
話晒都商業秘密丫，去問個跟單人洗唔洗幫佢del番，
個跟單人都「咦係喎，點解寫埋d咁o既野o既？」
點知另1位同事話呢d野係規舉，政府迫佢地咁做。
之後再接到其他議員o既單張，都係有寫呢d資料，
響街見到其他議員o既單張都1樣有呢d資料，
唔止單張海報，就連掛響欄杆果d橫額都有印，
又發現原來我地公司接果d印量都算少，
最多果個得5000張，人地果d印10000張添，
以我所知呢d數字唔會虛報唔似雜誌刊物果d報大數，
因為我負責處理果d寫印5000張就真係印5000張。
|
