做左份工3個幾月，每日幾乎都忙到無停過，
估唔到呢兩日可以做下冗員！算苦盡金來啦~

尋日上下facebook，又上下巴哈，
今日諗到個更有意義利用呢d冗員時間o既方法，
就係上日本yahoo!睇新聞，主要唔係睇內容，
而係學日文，將d漢字copy貼上google翻譯睇讀音，
(係睇呀唔係聽，睇個spelling，公司無得聽野)
又或者將d陌生o既生字響網上字典查下咩意思，
咁番工真係有意義好多 XD

其實蔡記都係番緊工睇日本forum(2ch果d?)
族d族d記，1日記到3個，1年就過千個架啦，
諗諗下如果我有咁o既熱情去學英文，
相信中4時都已經唔洗字幕睇得明復仇者聯盟。