呢次係第1次考日能試，朝早就答的士往考場(9展)，
估唔到由新居樓下出發到落車都無跳過標原來咁近XD

8:45分開考，我雖然早幾個字就抵達9展，
但唔想咁快埋位響出面hea左陣左後只係早5分左右入去，
入到考場後都係熟悉o既4周，之前去過d CW呀、
rainbow gala之類都係呢個場搞，只係執過晒d檯後，
由充滿動漫cosplay氣氛變左嚴肅o既試場，
居然係兩人坐埋1張檯(唔驚考生偷睇隔離咩？)
場內係無時鐘之類o既野，我又1向無帶開標，
又唔比開電話，所以都係無得睇時間。

考第1 part，淺到呢，心諗係咪派錯左N5試題比我呀？
不過d題目有用到受身形，應該唔會係N5啦？
呢part唔合格抵打pat pat啦，感覺除左1題外全部都o岩，
果題事後上網查番個動詞的確係比佢陰到。

到第2part，考前聽指示響問題用紙填上考生編號同名，
咦？！我第1part完全無寫到喎！緊係遲入場miss左，
喂我已經開考前早5分入場啦喎，只係埋位前已指示緊，
所以無聽到填問題用紙果part，唔漏都漏左，都要考假，
第2part比較多曖昧位，唔能夠斬釘切鐵咁肯定答案，
要用排除法，即係幾個都唔似答案o既話，
將最錯果d踢走剩番無咁錯果d，係比第1part難，
時間過得亦比想像中快，仲諗住做晒後有時間番check，
點知做到最尾1題就叫停筆，所以果題只好亂填，
收解答用紙果陣再望多次個條題都知答錯左，
但整體黎講都應該有把握o既，part2完左有個break，
可以出場外行，見唔少考生拎住大新出版o既書再補多下，
我都拎本2000至04年3級日能試題黎溫左陣 XD

考第3part聽解，呢part果然係最後大佬，難道高左幾倍！
或者呢屆唔好彩，撞正出難題，之前做過d歷屆試題，
同Lv都有d年份係易o岩到80%，有d年份難到答唔o岩1半，
呢次呢個就屬於後者，講得好快而且係咁帶你遊花園，
搞到多數係亂撞，呢part無乜信心。

考完後以唔樂觀o既心情步出試場，前面明明狀態唔錯，
就係衰聽解果關，有part衰左就算前面幾好都合格唔到，
anyway啦正如之前日誌所講，當感受下久違o既考試氣氛，
起碼知道JLPT個環境同程序係咁，下次都唔洗估估下，
而且N4 pass左都無乜用，只係比自己1份認定姐，
出面d相關工作都睇N2啦，短期內總算放低舊石，
可以開始記N3程度d野啦，N4 pass唔pass我唔理 XD
N3或以上o既領域好玩好多，N4以下太悶啦~