聽日就要考N4，有無信心？1半1半啦，
有買坊間o既模擬試題黎做過，深到O咀，
語言知識果度考d未接解過o既生字，
識就識唔識就係唔識，例如人並(hitonami)
背廣(sebiro)、連起身d頭髮卷曲狀態都有，
無視算啦，生字認知範圍唔係1朝1可識得晒，
記到幾多得幾多啦，成千上萬個邊記得晒？
或者坊間出o既模擬試題係專登整難d，
即係如果你連模擬試題都應付到o既話，
官方o既試題應該無難度啦？掉番轉，
模擬試題淺過官方試題，到上場考果陣，
先發現應付唔到，咁呢本書更加害左讀者，
所以坊間試題比官方難係正常o既(希望啦)
咁諗會唔會好d？唔好比本野打擊自信 XD
聽解方面係比較無乜信心o既環節，
有響youtube試做過某年o既(新制)官方試題，
都答o岩到80%左右，而其他模擬試題，
答o岩率其低，頭先講果本野o既聽解部份呢？
1題都無做過，有睇過答案本d聽解對白，
深到痴線，連d職業用字都大量灌入去，
我估就算有N3程度都未必聽得明 XD
臨訓前衝刺，做2000至04年3級日能試聽解，
2004年個聽解可以o岩80%左右，
以為可以鬆口氣，但再做01年果個只o岩40%左右，
04年果個係只要聽到大約聽得明就答得到，
後者係幾乎要完全了解全個內容先掌握到正確答案，
好多遊花園位，諗諗下唔好話日文，
就算換轉最熟悉o既中文，1輪咀講1大段野，
1個唔留神都可能會答錯，諗起有條IQ題，
小明老豆有3個仔大仔叫大毛2仔叫2毛3仔叫咩？咁，
明明同1個Level但難度年年都唔同，算啦，
只好期望聽日d試題出淺d啦。
|
