最初係因為首主題曲而注意到呢套作品，
首歌仲係比人用黎做斬赤紅之瞳o既MAD...

呢套流星之雙子應該係09年o既舊作品，
見youtube有就o禁黎睇，1下子就完食，
覺得幾好睇幾有味道，階因得英文字幕，
其實唔太明個故仔，所以只能用「覺得」形容，
(再加上睇果個版本係咁亂咁跳劇情...)
比起近年泛濫o既後宮肉番呢套可謂清泉，
以前較多呢類意境大過賣萌o既作品，
近來好似無乜。

故事講女主蘇芳本來過住平凡o既校園生活，
突然巨變，佢屋企慘遭滅門，覺醒左契約者能力，
然後跟左個男人走，過住d居無定所o既生活，
1方面要逃避敵人o既追殺，另1方面要變強，
變得冷血，唔再展現昔日開朗o既笑容，
有日得知佢自己o既身世，係個複製人之類，
佢o既本體早響幾歲果陣1場意外喪生，
然後又見到佢應該死左o既老豆，
得知之前死左果個原來只係佢老豆o既複製人，
又得知另1真相，其實佢自己並唔係複製人，
而係佢細佬o既異能製造出黎o既虛構人物，
佢本來係唔存在，細個o既記憶係佢細佬幻想出黎，
去到呢到已經好玄妙啦，去到最尾果集，
原來佢只係1個比人監察o既實驗品之類，
實驗結束將佢o既記憶移除，佢身邊o既所謂伙伴，
其實響實驗室外面食花生，女主1直被蒙在鼓裡，
鏡頭1轉女主著住水手校服咬住塊麵包準備番學，
再次過番全新o既人生，貌似happy ending，的確，
對女主而言係好事o既，忘記晒d痛苦野(例如殺人)
響觀眾角度睇有陣淡淡o既悽涼。

因為無中文字幕，以上只係半推半腦補o既劇情，
上網再查下，呢套其實係darker then black第2部，
並唔係1套獨立作品，亦都算名不經傳，
但劇力足以令我印象深刻，加上有d灰暗o既氣氛，
贏晒d廢萌，呢d灰暗色彩o既作品係別有1番風味，
例如虛淵o既phantom、閃光之夜襲等。

不得不吐糟下，女主o既異能係響心口變枝槍出黎，
其實特殊能力呢d野應該係如5行o既自然野，
或者可以穿牆、神力、高速、瞬移、隱形之類，
變枝槍出黎？不如帶枝槍出街咪得囉洗乜超能力？
變都算啦，唔洗下下等十幾秒慢慢變下話？
變o既過程中人地都桶左你幾刀啦？而且，
點解變狙擊槍咁唔方便？變枝密林唔係仲快靚正？
明明其他契約者d異能都似番d正常異能(?)
例如操控水、操控昆蟲、石化等，d咁膠o既設定，
擺明玩女主姐，雖然呢個女主由頭到尾都比人玩...

意外地女主ending返學果part，以前我畫o既同人漫，
都曾經出現過類似o既1幕，又係呢d水手校服。