天氣真正進入嚴寒狀態，尤其新居呢邊都比舊居更凍，
好在上個禮拜買部暖爐趕得切送到黎應付寒冬。
今次買番舊居果隻牌子，呢次呢部仲有即暖功能，
所謂o既即暖其實好兒戲，只係機身多部暖風機仔，
或者係話多部風筒都不失為過，不過有好過無o既。
唔計風筒(?)部機有兩粒主開關掣，1粒係MIN，
另1粒係MED，兩粒1齊拍就代表MAX，
上面再多1個度數之類o既轉盤，第1次用果陣，
較到5度(最多可以扭到6)再拍晒兩粒掣MAX住，
開左好似有兩粒鐘左右就自動熄左機，
點拍掣都無反應，過左陣先試下先拍得著個MED，
睇番說明書好似話過熱會自動熄機冷卻後先開得番，
唔係掛？咁就過熱啦？都未扭到最大功率。
好在試過開住MIN訓1晚訓到第朝天光，都無熄機，
平時訓醒起身果下凍最唔舒服，衣家可解決呢個問題，
可惜部機無時間掣之類(舊居買果隻形號有仲好複雜添)
所以想較定時定侯開機/熄機，訓醒前1兩粒鐘先開機，
放工番到屋企前已暖晒之類，似乎唔得，算啦，
有我都唔多會較掛？
呢次部野過千蚊，好似可以有2500W輸出，
以為可以令到全屋範圍暖粒粒，
似乎依然同想像中o既效果有出入。
|
