本身都有張759會員卡，不過想出多張比亞媽用，
等佢多個買野食o既地方，之前買滿百5蚊野就可以出卡，
衣家要買滿3百先出到，查實1下子買3百蚊野幾考起我，
平時習慣買少少野，差唔多食晒先再買，好少買咁多，
為左出卡，只好掃貨啦，掃埋存放公司果份，買左：
紅kitkat、黑kitkat、日清樽裝麻油、小班長辣味脆麵、
卡迪邦薯條、雀巢crunch朱古力、固力果Bitte朱古力、
自然之顏紫菜餅乾、flaper gancedo條形(?)薯片、
frontier朱古力條、maitre truffout朱古力條、
為左湊夠3百，食物之外連泡泡潔手簡液都唔放過，
諗住買丁微波爐用o既玻璃容器(近期想用)，
點知無喎，如果唔係買兩3個應該都好容易達標啦，
臨埋單前拎多包朱古力百力枝，用黎做後備，
超出太多o既話就可以唔要包百力枝，結果係3百零蚊！
我真係天少，隨便亂執堆野(無計住架)都準到咁？XD

然後出左張卡已經可以直接用會員價買唔洗等下次，
仲諗住折左唔夠數專登收起張卡，原來只要買夠3百，
折左實收唔夠3舊都照出到卡，即使本身無卡都係咁話，
折完之後實數236蚊，平左差唔多3份1呀！
有卡同無卡堅係爭好遠，無卡o既話唔應該幫襯759。

分左1半下個禮拜1帶番公司，大部份都買獨立包裝，
1下子食唔晒都唔洗煩點樣收起佢或惹蛇蟲鼠蟻，
食過咁多隻，最推廌隻flaper gencedo條形薯片，
就係因為佢係條形o既薯片，好come食，口感1流，
睇戲前買桶族條族條食可能可以由開頭食到完場，爽！
不過呢桶野唔係獨立包裝所以只放屋企嘆無帶公司，
2推frontier朱古力，主要係價錢勁平，原價8個半盒，
會員價6蚊炸，而且每條都獨立包裝，性價比贏晒！