呢次雜談想講3樣野，首先講下活用方面，
近來諗野越來越多時侯轉日文mode，
不過只局限響單純描述事物o既簡單對白，
我可以由起身食早餐出門到到番到公司沿途，
幾乎全部用日文黎諗，例如：咁o既鐘數，要快d！
「こんな時間、急がなきゃ！」鎖好門口，
「戸締まりを厳重にする。」行到街見要落雨，
「雨が降りそう」見到個細路好樣衰要吐糟，
「その子供は醜いだな」到步啦「やっと着いた」
目前以我所認知o既名詞、動詞同形容詞數量，
幾乎夠應付日常情況，但句型大致離唔開名助動，
明明識唔少N2句型但好多時都玩唔到出黎，
當要認真番少少思考o既時侯又轉番中文mode。
我經常咁諗，當自己係o岩o岩響日本出世o既BB，
5歲o既細路語言能力足以聽明人地同佢講o既野，
我諗如果我學夠5年應該可以等同1個日本細路，
諗深層，唔係囉，唔好忘記我地缺乏最重要o既條件，
就係身邊有個人每日同自己講日文(例如父母)
我要用番日文回佢，講錯左即刻比佢指正番，
係全日喎，具備咁o既環境下想唔講得勁都幾難啦，
我衣家每星期頂多得兩粒鐘上堂先有類似o既機會，
所以就算幾努力都比唔上日本土生土長o既細路。
第3樣想探討關於日文o既「要、想、會、到」
以我所知日文o既要~係講「~なければならない」
雖然連常體丁寧體有廿幾種講法但離唔開「唔做唔得」
唔通日文無簡單直接咁講個要字咩？下下都非做不可？
(「要る」係須要，通常用響有形之物唔係意志野)
明明呢個講法係咁常用但要用咁複雜o既情緒去表達？
雖然有「~なきゃ」但拆番開都係唔做o既話咁o既意思。
另1個中文都係講要其實係想要，未必1定要，
就用動詞連用形+たい，呢個好簡單唔洗多講，
只係中文會將前者同後者都係講要，要睇番前文後理，
例如我要做model係想要，聽日考試要溫書係唔溫唔得。
跟住會，例如我會溫書架啦，日文又無乜特別用個會字，
好似係直接講番「勉強する」咁同就咁講溫書有乜分別？
雖然睇到N2文形，反而呢個咁簡單o既唔係太清楚 XD
會字仲有會乜架呢個講法，例如會壞架「壊れちゃうよ」
頭先講個會字並未涉及到能力，例如我會游泳，
呢個時侯就用到個到(做到)亦即可能形「僕は泳げる」
或者「僕は泳ぐことができる」我識游水呢樣野。
|
