放公司o既即棄膠叉就快用晒，公司附近又無百佳惠康之類，
些粉OK都無賣，只好到日本城搵，搵到專放即棄餐具貨架，
紙杯紙碟膠匙膠刀木筷子飲管樣樣齊兼貨源充足，只欠膠叉！
可能呢間分店賣晒啦，番到屋企附近d日本城搵都係無！
唔好話我知其實根本無賣，有無搞錯呀？最重要果樣居然無？

點解膠刀咁無乜用o既野都有？無叉比把刀黎做乜？
拎把膠刀黎切生果又唔夠力，鋸扒都用金屬刀啦唔驚熔咩？
切d軟野用膠匙根都切到啦洗你咩？點解腸叉係最重要？
通常用到膠叉係咩時侯？咪就係食杯麵、公仔炒麵王果d囉，
佢地又唔貼心送埋膠叉，你話比我知用膠匙根膠刀點食丫？
掉番轉買左波仔飯其實用膠叉依然筆到飯，可以頂埋匙根，
當然木筷子兩樣都可以食得，不過我向來唔鐘意用筷子。