以2戰時期東德同西德局面(好似係)作背景o既動畫，
呢個取材都算冷門，再加入機械人同怪獸元素，
就呢呢套Schwarzesmarken，中文名叫死亡黑標，
唔太like呢個死死聲o既中譯名，明明日文叫黑之宣告，
不過幾buy呢d氣氛認真o既作品，如果再波蘭壯闊d更好，
同埋呢套係少有OP同ED都覺得好好聽o既動畫。

故事講東西德關係惡劣，又要打怪獸(其實暗示美國掛？)
主角果隊666部隊擅長對付呢d怪獸，有死亡黑標稱號，
領隊愛麗絲蒂娜(個名好難記呀)係曾經親手殺死佢亞哥，
背負出賣家屬而上位o既指控，男主提奧多爾都鄙視佢，
原來佢係身不由己被迫咁做，後來得到眾人認同，
跟住提奧多爾救左女主，有佢失散多年個義妹既視感，
加入左佢地部隊，然後連佢失散果個義妹都突然加入埋，
比人懷疑佢係間諜，點知幾集之後真係內鬼，
捉左愛麗絲蒂娜同666部隊班人，提奧多爾同女主走甩左，
尋求反政府勢力協助，打打打1場同營救隊友行動，
女主騎劫電視台發表演說(唔知點解)得到大量民眾支持，
做左革命女神起義，提奧多爾大義滅親殺死佢個奸妹，
再用機械人同最後大佬轟轟烈烈咁決鬥(男人o既浪漫？)
打贏左，革命成功，東西德合併用機械人拆走柏林圍牆，
愛麗絲蒂娜就中左彈流血不止，死響提奧多爾懷抱，完。

劇情建立響真實歷史上，的確係更加引人入勝更有味道，
好似金庸d名著咁d野虛構得黎又假唔晒，令作品立體。
可惜後半部都係好趕戲，最後大佬出咁少機就同主角打？
通常比人懷疑果d最後多數都清白，但主角義妹真係奸o既，
都有少少1反常態估佢唔到，而且佢聲優仲要係唱OP果個，
即南條愛乃，奸角死後仲聽到由佢唱o既OP難免有d怪 XD
愛麗絲蒂娜係個有女主格但無女主命運o既悲劇大配角，
明明好好抽但最後關頭比人捉走無得發圍，最尾仲要死埋，
提奧多爾仲要等佢死左之後先同佢表白，真係令人打交！
然而係個弱氣女主做左革命女神，感覺係有d格硬黎。