未播本年1月番前呢套算係大熱，人設、作畫有水準，
開播第1集後因為川神舞乳搖過鋼線舞(?)人氣再急升，
不過播落去後好似人氣慢慢滑落。

呢套係原創動畫，世界觀講人類唔知因咩實驗固障，
搞到部份人有超能力，可以睇到幻靈(當佢係妖怪啦)
故事圍繞男主同身邊好友(後宮)發生o既奇幻日常，
有時係1齊討伐幻靈，有時係比d幻靈玩下，
有時走左入童話世界，大致上都9唔答8，
甚至離譜到男主比d幻靈捉番去做新娘然後無下文?!!
即係可以唔洗用腦去睇，係最尾兩話先出個最後大佬，
平時無乜用o既男主少有咁開金手指威番次，
原來佢先係最強能力者，可以call召喚獸，
連露露(幻靈)都可以整出黎，咁咪接近神o既境界？
就算溝唔到女自己整條女出黎都得啦 XD

人物方面，雖然個人好buy小系無口得黎又cool，
又有實力，不過都覺得神川舞同男主CP最好，
可惜到最尾果話都係無乜發展，唔知仲有無續章啦，
大食女最無乜好感(未至於反感o既)性格唔夠吸引，
尤其出招果陣個血盤大口扣晒分，露露就煩膠1隻，
幼齒久瑠美點解可以經常逃學走去搵主角班人架？

劇情有d行兒童卡通片公式，都係歡樂胡鬧為主，
唔會死人lum樓戰鬥唔見血果隻(其實咁樣少左d迫力)
笑中有淚(感人果隻)但人設青年向，OP都惡意乳搖，
又有d兒童不宜，唔驚兩頭唔到岸咩？