毛記經常都玩改歌詞，亦改得有水準，
佢玩野o既手法同中學時期o既我好似，
都係靠改歌上位，呢方面有d臭味相投 XD

毛記將改歌呢樣野由純綷無厘頭娛樂大眾，
升華到商業o既層面，賣埋廣告賺埋錢，
最近幫某咖啡賣廣告改黎明o既情深說話未曾講，
仲要搵番真黎明黎唱番，個人認為全段片最好笑o既，
係未唱之前林日希響度睇緊黎明爆粗段惡搞片，
同埋中間唱唱下唱到「如劉江~」又真係有劉江走出黎，
以黎明今時今日o既地位(A Music老闆)要飾演打工仔，
要睇林日希面色刷佢鞋又別有另1番風味，
黎明肯惡搞自己亦顯得佢無咁大架子，公關手段唔錯，
不過整體麻麻唔夠好笑，而另1首某髮蠟o既廣告歌，
改自陳亦迅重口味由林海峰唱o既重品味好笑好多，
尤其林海峰果種做作得黎又嚴蕭o既冷面笑匠功力相當正，
佢飾演1個街邊sell產品o既推銷員，歌詞亦改得精景，
全首歌用番果d擴聲器o既粗糙聲線去唱呢野有心思 XD

出色o既廣告就算長3分幾鐘都會想睇晒佢，
毛記響呢方面就成功咁做到啦。