全新環節，專講近期hit d乜，
1講就講幾樣唔洗開多幾日日誌啦。
講番topic呢個名由來，
以前做果間出版社話要開本新雜誌叫咩名好，
我就提議叫潮流吹勢丫，簡稱潮吹 XDD
呢個名夠爆呀，可惜公司無錄用到。
pokemon go
唔洗講啦，未響香港上架前已經大熱，
1上架facebook充斥住大量相關資訊o既洗版。
雞全部都係雞
源於高登(好似係)，將經典音樂夢中的婚禮，
格硬(真係好格硬)砌左雞全部都係雞o既歌詞，
由頭到尾都只得1句係咁loop，
再配上反斗奇兵巴斯光年同胡迪講野影片，
口型好夾歌詞，就唔知點解1夜間爆紅，
跟住就好多亞種作品出現，例如加速版、
完整(?)歌詞版、連盤菜瑩子都黎個自彈鋼琴盤唱，
(其實呢首歌幾年前我就可以用結他solo)
老實講，好好笑咩？我覺得麻麻地炸喎，
衣家d人o既笑點真係難以理解。
極樂淨土
呢個就留意開ACG界宅野o既先會知道，
係1首開頭節拍強勁o既歌，
開頭段音樂配合個舞步係幾好睇，
睇落亦幾難跳，好似左右腳要做唔同o既複雜動作，
跟住好多雷姆呀、EMT呀、蝶祈呀、
初音呀甚至噴火龍等等o既MMD公仔跳呢首歌，
其實跳得好睇過真人o既原唱MV版，
唔多唔少係分鏡o既功勞掛？原唱版無運鏡。
|
