上個月21號有寫篇日誌介紹3文魚堡同朱古力批，
仲有3文魚牛煲同埋3文魚雞肉火腿堡未寫，
總算響期間限定截止前試過另外兩隻堡啦。
先講3文魚牛堡，查實3文魚配牛肉有少少違和感，
不過食落亦無乜反感，雖然整體感覺都唔差，
但係要食牛堡都係巨無霸或至尊漢堡味道更恰當。
再講3文魚雞肉火腿堡，雞肉？好似唔見有喎，
只見到有3文魚、火腿、蛋，個火腿仲好硬，
都唔知係唔係我食果間M記亂咁整，
全部夾埋都好厚，掰大個口都唔能夠1次過咬晒，
其實齋睇字面呢個配搭我覺得OK架，
1定好過3文魚牛堡先啦，只係貨不對版，
就算3文魚、火腿、蛋都唔差，只係塊火腿煮得衰。
無記錯o既話3文魚堡餐就29蚊，另外兩個就33蚊，
個3文魚牛堡都比3文魚堡多塊牛肉丫，實貴d，
不過價錢係點都唔緊要，因為衣家已經無供應啦。
|
