1係半年無撞過熟人，1係就1日見到兩個舊同事，
今日番新公司開工，見到前辣椒出版o既馬田，
其實呢個都無咁意外，事關見工當日老細問過，
響辣椒在職期間係咪有個叫馬田o既？我話係呀，
姓蔡丫嘛？我果陣仲估佢係咪響呢間公司做緊，
係都唔錯丫，雖然響辣椒時期同佢無乜兩句，
起碼知佢唔係咩衰人，同佢都做左3年幾同事，
問1下坐我隔離位o既同事，佢話馬田係黎見工。

老細要求我比相片佢，所以去地鐵站即影即有，
影完相1出去等部機嘔相片果陣，就望到kitto，
跟住就同佢吹左幾句，佢衣家都仲響印廠做緊，
巡例又問下我辭職果陣新同事angela仲有無做，
原來都無做，聽講又係秒辭果d(其實唔意外)

世事就係咁巧合，1係唔發生1係就1日發生兩次。