星期1先發生1日內撞到兩個舊同事o既事件，
尋日就發生1日內(都算係o既)兩個鐘唔夠電，
d鐘通常用1兩年都唔洗換電架嘛，
要同時兩個鐘無電機率係好低，
驚咁o岩鬧鐘無電唔知醒，安全起見放定兩個，
都可能出事，不過呢次又唔係兩個都鬧鐘，
其中1個係掛牆果d大鐘(白色)，換完個大o既，
到夜晚輪到個細鬧鐘(橙色)唔夠電d時間錯晒。
呢次兩個鐘都係換左黑貓牌碳性電心，
上次好似用呢個好快無電，今次再做統計。

個mouse上個禮拜開始著左紅燈都知無乜電，
1直用到今日玩緊ro突然停左，
好在行到安全位先黎停，唔係可能又跌5%，
呢個就換番平時用開o既matsusho牌電心。

呢個世界就係充滿巧合，1係無事1係黎3單，
同場加映，番新工買左套keybroad mouse，
都係用開o既Logitech無線系列，
又計下用幾耐會無電，粒電係跟埋o既。
不過鐘果度有少少野想補充番，
兩個鐘都係呢兩日內有旭過，
橙色果個係由電腦檯搬番上床頭，
白色果個係掛斜左掛番正佢，
唔知係咪咁而影響度入面d零件運作？
而唔係真係咁巧合？