個鬧鐘壞左個懶床功能，呢個功能好重要架！
朝早起身1定唔夠訓要再訓多陣唔係就好辛苦，
懶床功能就係o禁個掣令佢停響1陣(約5分鐘)
之後再響過，重覆幾次之後先真正起身，
最近個鬧鐘暫停佢後仲以奇怪o既節奏繼續響，
要完全熄左個響鬧，咁就好危險，驚訓過龍。
新居呢邊其實有兩個鬧鐘，諗住1個做後備，
驚無電丫嘛，可惜另1個鬧鐘又係無懶床功能，
當時買果陣亦無諗過居然會無呢個功能，
買番去先知奶野，衣家長期放埋1邊。

我要求o既條件只係要有懶床功能同唔好太大，
太厚擺唔到床頭，響JHC搵左好多個1係唔符合條件，
1係就無新貨得陳列品(好心就米擺出黎啦)
結果響文具世代買左個72蚊o既鬧鐘仔，
係就係貴d(其他好多30幾40蚊)但貴得有道理，
符合兩大要求不突止，仲要好靜！
可能係因為佢個秒針唔係1格1格咁跳，
係好smoth咁移動，所以無乜的答的答聲，
其實放埋耳邊都係有少少o既，已經好好架啦，
冬天無開風扇夜晚靜英英就會發覺d鐘好嘈，
仲附設燈仔夜晚熄左燈都可以o禁著佢睇時間，
呢個功能之前用開有懶床o既鬧鐘都有，
但另1個無懶床o既鬧鐘亦無燈，真係好廢。