呢個響偉哥(Vango)買到o既嘉頓黑朱古力威化，
裡面有4個獨立包裝，每個包裝都幾大塊，
有幾大塊？1部iphone7打直o既4份3咁大囉，
所以每塊果腹度都比其他朱古力產品稍高，
食落係堅好食，外層有椰絲，咬落去係脆o既，
入面有忌廉，就算響雪櫃拎出黎食都無跌walt，
可能呢隻野o既賣點就係脆，雪完後都仲係脆，
其他例如繽紛樂、kitkat、金莎果d放入雪櫃後，
都變得硬過左龍，無左應有o既鬆軟口感。

米睇佢嘉頓呢個品牌就覺得價錢唔會貴得去邊，
其實1盒都要26蚊，貴過1包16粒裝繽紛落，
之前買無留意銀碼，都係睇牌子以為平o既錯覺，
嘉頓的確係有隻朱古力手指餅平得黎份量多，
不過可惜果隻味度麻麻好快食厭啦。