公司開會討論點樣提升品牌知名度，
老闆試過用幾萬蚊讚助facebook，
咁就會響右邊讚助果度會出現公司o既專頁，
但睇番瀏覽量根本毫無幫助，咁又係o既，
換轉係我都唔會點理右邊果d讚助廣告啦。
又講起人地果d知名網站點解咁多人like，
我話，人地放出黎d片係介紹d得意野，
本身件野係爆o既，d人自動幫佢forward添，
而我地係介紹人地間舖(有比錢我地果d商戶)
果間野本身平平無奇又點會有人想花時間睇呢？
單純只係廣告，難聽d講浪費讀者時間，
根本從起跑線就已經輸左比果d知名網站。
想要增加曝光率，只好用獎品利誘法，
例如只要like我地就有機會得到乜野禮劵，
自然吸引到d人為左小便宜而like我地，
老細都唔介意投放資源響呢方面，
只要成本合付收益，但太天真啦，
原來仲有樣野叫推廣生意敬賽牌照，
但凡搞呢d抽獎要向政府申請同審批，
申請費用千6蚊，係每搞1次都要比1次！
抽獎形式、獎項等都要經該部門審核，
審核時間要超過1個月，抽獎完畢後，
要響知名報章刊登得獎名單，煩過煩膠！
如果無申請呢？比人捉到可以罰5萬同監禁，
辦個抽獎活動姐，洗唔洗咁趕盡殺絕呀？
偷雞做駁唔駁得過？其實facebook用戶得Q閒告你咩，
不過同行就難講啦，加上呢d活動1定要公開o既。
響香港創業已經難，做小小野仲要勁多手續，
你叫d人點搵食呀？咁樣打壓d草根階層。
|
