都買左ipadpro兩個月，雖然唔係日日用，
但平均每個星期都會用佢畫畫6個鐘左右，
開初只係用預載o既備忘錄app畫畫，
想知呢個app可以畫到咩程度，
話唔定可以唔洗買專業繪圖程式，
其實只用黎畫線稿素描係無乜大問題，
顏色就只係得RGB4色同黑白6隻色，
筆觸亦只有鉛筆、營光筆、幼marker，
所以個app只係設計for你手寫寫字，
最大問題係無得自由拉大縮細物件同版面，
亦無zoom in zoom out想畫detail d都唔得，
當然唔好奢望開layer啦。

跟住講下課金軟件procreate，咁o既價錢黎講，
功能相當強大，用佢足夠畫出高水準插畫，
繪圖軟件基本功能齊備，例如layer、筆觸、
調色盤、透明度、選取範圍拉大縮細自由變形，
佢設計o既操作介面亦好適合無鍵盤o既ipad，
將最主要經常用到o既功能都放晒1邊，
例如調較筆觸粗幼，undo、redo功能，
呢d功能平時用keybroad都係o禁hotkey，
仲支援手指操作，例如兩隻手指1齊tap就undo，
但感應手指方面唔夠靈敏好多時tap落去無反應，
作品亦可以開個獨立資料夾分類唔洗散修修，
只可惜資料夾裡面唔可以再開資料夾，
某d功能需要試到出黎，就好似開資料夾咁，
要o禁實幅畫拖去另1幅畫度先可以開資料夾，
仲有複製、刪除作品要用手指響幅畫度向左推，
圖層複製、刪除亦1樣手指向左推(向右推唔得)
仲有由1個點畫去另1個點後停1陣就會變直線，
畫完之後可以匯出做psd檔，用photoshop開番，
可以保留layer，係煩在機過機，我用send email，
美中不足o既地方係暫時未發現支援文字輸入，
亦唔可以好似clip studio咁將已畫o既線條，
隨意變粗幼，亦唔支援向量作畫。

講起clip studio，最近都有ipad pro版，
但又係行租借制度，唔可以買斷，失敗！

用ipadpro繪圖相比響紙上面畫野黎講，
雖然手感仍未達到100%，但1定有80%以上！
surfacepro3呢？我可以話50%都唔到呀！
畫幾畫就無乜興趣再用surface黎畫落去果隻，
ipadpro未達到100%可能係因為始終響鏡面畫野，
無左枝筆壓落張紙度有少少綴住o既觸感，
太滑亦唔舒服，wacom繪圖版比較近似響紙畫，
另外apple pen筆頭較粗要畫細緻野係差少少，
但可以透過放大物件黎彌補呢方面o既不足。
由於畫畫時唔多鐘意有條線條條fing，
所以都係唔插電咁畫，滿電連續畫6粒鐘無問題！
部機同枝筆都滿電o既話枝筆1定用得耐過部機。

好啦，到目前為止都係正面平價為主，
衣家要鬧啦！就係經常停10秒8秒無反應！
專登開段新o既黎講係因為我知同以上o既軟件無關，
呢個情況不論用備忘錄畫野定procreate都會出現，
係ipad本身問題，講緊o既無反應唔係枝筆畫唔到，
係用手指督甚至o禁home掣都出唔到去無反應，
出現次數有時密有時唔密，密起上黎試過5分鐘1次，
畫1粒鐘野停十幾次，有時只係1個鐘停兩次左右，
原因不明，我已經專登熄左wifi斷晒上網黎用，
亦將備份icloud熄埋，咁就唔會因為load乜野而lag，
但問題都係未能夠根治，最近將個翻版whatapp*剷左，
好似有d改善，無之前咁頻密，但都仲係有，
通常叉滿電畫畫頭1兩粒鐘都唔容易出現，
係大約60%電開始黎料，唔知關唔關電量事，
亦唔知關唔關ios事，上網查唔見其他人有呢個問題，
真係好煩！iphone唔見有呢種問題？
可能我無乜連續幾粒鐘用iphone掛？

*whatapp無出過ipad版本，要用只能用非官方版本，
其實只係website版整左落個app度，免費o既有廣告，
唔知會唔會係佢暗中load廣告而整lag部機。