臨緊聖誕、新年總要食餐公司飯局，
今次去食日本野位於尖沙咀o既土間火，
去到門口格局高上，但係埋位就勁窄，
最唔開心係要除鞋，點解又要除鞋呀？
上次xmas party已經除左1次啦又除，
踩污糟對襪然後踩污糟對鞋內隆，
感覺極唔良好囉，未食已經扣晒分！
出出入入仲要踩上張長凳勁唔方便。
跟住上菜又勁慢，喂家下唔係食放題喎，
放題o既話可能叫10樣黎得7樣側側膞，
每樣野都係收費架，想黎少1樣收少1碟錢？
d3文魚壽司食落同爭鮮差唔多，暖o既？
你間野咁貴唔係比d爭鮮貨色我食呀fa？
不過anyway，日本野本身就好食，
就算只係爭鮮貨仔都唔差得去邊。
到11點就趕客，但d野食都係o岩o岩先上完，
呢頭都未食完果頭就要人走？想人浪費食物？
早d上晒d菜比充份時間人食先趕客都合理d丫。
|
